”žBizi hədəf seçmişdilər və biz vuruşmağa məcbur idik“
Eks-spiker Rəsul Quliyevin 1995-ci ilin mart hadisələri ilə bağlı açıqlaması ictimai rəydə böyük marağa səbəb olmaqla yanaşı, ötən dövrün hadisələrinin yenidən aktuallaşmasına səbəb olub. Məlum olaylarla bağlı Moderator.az-a müsahibə verən mərhum Rövşən Cavadovun qardaşı Mahir Cavadov 19 il əvvəlki hadisələrlə bağlı şok informasiyalar səsləndirib. M.Cavadovun yeni müzakirə və mübahisələrə səbəb olacaq müsahibəsini oxuculara təqdim edirik.
- Bu gün də çoxları Rövşənin ölümündə məhz sizi baiskar hesab edir.
- Mən Rövşəni 300 OMON-çunun yanında qoyub, tək getmişəm. Atam kitabında yazıb ki, Rövşən bronjiletini çıxarıb mənə verib və oradan çıxardıb. Amma bu həqiqət deyil. Mənim də, Rövşənin də öz bronjiletimiz olub. Onun bildiyiniz kimi güllə yaraları ayağından idi və qan itirmədən həlak olmuşdu. Daxili orqanları zədələnməmişdi. Başqa tərəfdən, mən vəziyyəti görürdüm və bizi məhv etmək istədiklərini bilirdim. Məsələn, Əli Ömərov məni AzTV-dən cinayətkar elan etdikdən sonra, telefon açıb nümayışkaranə prokurorluğa dəvət etməsi və ardından Rövşənə Heydər Əliyevin telefon açaraq, get gör prokurorluqda nə baş verir deyib, oraya göndərməsi, sonra Cavadov qardaşları prokurorluğu dövlət çevrilişi məqsədi ilə zəbt edib deməsi elə bizi məhv etmək arzusunun sübutu deyildimi? Biz hədəfə alınmışdıq və vuruşmağa məcbur idik.
- Ölkədən getməsəydiniz və həbs olunub, sonra azadlığa qovuşar, bu gün Azərbaycanda mübarizə apara bilərdiniz. Amma siz ömürlük didərginliyi seçdiniz.
- Mən heç zaman təslim olmazdım! Bizim üçün bu, variant deyildi. Mən öldürülməyi həbs edilərək əsgərlərimin gözü qarşısında döyülüb, təhqir edilməkdən üstün tuturdum. Azərbaycanı tərk etmək fikrim yox idi...
- Baş prokuror Əli Ömərovu gedib, kabinetdə o cür döyməyə dəyərdimi? Onunla başqa cür haqq-hesab çəkmək mümkün deyildimi? Axı bir rayon prokuroru nə qədər haqlı olsa belə gedib baş prokuroru kabinetində o kökə salırsa onun necə böyük qəbahət etdiyi bəlli olur.
- Mən Əli Ömərovun kabinetinə öz dəvəti ilə getmişdim. Onun sifətinə avtomatın qundağı ilə vurmam da onun uydurmasıdır. Hətta o vaxt demişdi ki, Cavadov məni elə yerimdən vurub ki, göstərə bilmirəm. Bununla özünü rüsvay etdi, sadəcə. Əslində onu əsgərim vurmuşdu, mən əsgəri qorumaq üçün öz boynuma götürdüm. Sizə danışım, mən Ə.Ömərovun kabinetinə gələndə vəziyyət necə oldu. Mən evimdə oturub, televiziyada gördüm Ömərov bəyan edir ki, Mahir Cavadov Afiyəddin Cəlilov və Şəmsi Rəhimovu öldürüb.
Ola bilsin ki, Əli Ömərov tapşırığı yanlış anlamışdı. Bəlkə də əmr verilmişdi ki, prokurorluğun ətraf işıqlarını yandırırn, daxili işıqları söndürün, Mahir gəlincə öldürün, amma Ömərov daxili işıqları yanılı qoymuşdu və ətrafın işıqları söndürülmüşdü. Prokurorluğun binasının daxili işıqlandırmasi elə idi ki, bizi prokurorun qapısında duran mühafizə yaxınlaşmadan tam görə bilmirdilər, tamamən yaxınlaşdığımızda bizi gördülər və biz yaxın məsafədən onları asanlıqla tərkisilah etdik, ardından Ömərovun kabinetinə daxil oldum. Otaqda heç kəs yox idi, yan - istirahət otağından gələn səsdən anladım ki, Ömərov orada gizlənib, stulu oraya tərəf atdığımda avtomatdan atəş açdılar. Mən dedim ki, əlimdə qumbara var, atacam oraya, çıxmasalar. Onlar da, Ömərov və qardaşı, silahı yerə qoyub, çıxdılar. Təsadüf nəticəsində, prokurorluğun qarşısından keçən Elçin Əmiraslanov da öz yanında olan uşaqlarla buraya gəlmişdi. Onlar Qazaxdan Bakıya silah və puldalınca gəlmişdilər... Bunların içində mənim köməkçim Elçin Əliyevin qardaşı və onunla bir yerdə günahlandıran dostu də vardı, hələ sentyabırın 1-də məni aradan götürmək üçün adamlarımı zərərsizləşdirməkdən ötürü əmr verilmişdi və Elçinin qonşusunun evinə girib hamısını öldürmüşdülər, sonra Elçinin evinə girib, tutub aparmışdılar ki, guya qonşunu bu öldürüb. Sonra mən təzyiq edərək onu buraxdırmışdım. Mənimlə Ömərovun kabinetinə girən uşaqlardan biri Ömərovu sifətindən avtomatın qundağı ilə vurdu, bu zaman qırmızı telefon zəng çaldı, Ömərov dedi ki, H.Əliyevdir. Mən də qaldırdım telefonu və dedim ki, Afiyəddinlə Şəmsini öldürtdürüb, mənim boynuma yıxırsınız? Dedi ki, mənim xəbərim yoxdur, Rəsulla Ömərovun işidir. Mən də dedim ki, Ömərovla Quliyevi yaxşı tanıyıram, onlar qorxaq adamlardır, sizin göstərişiniz olmadan belə işə hünərləri çatmaz. Bir az mübahisədən sonra telefonu asdım, daha sonra oraya Rövşən də gəldi. Məni görüb təəcübləndi ki, burda nə edisən? Mən də ondan soruşdum, bəs sən burda neynirsən? Dedi ki, H.Əliyev telefon açıb və get prokurorluğa deyib. Bu vaxt H.Əliyev televiziyaya çıxaraq, bizi prokurorluğu tutmaqda günahlandırdı.
Mən Ömərovu uşaqların yanında qoymuşdum, sonra dedilər ki, halı pisdir, buraxdım getsin xəstəxanaya, anlamışdım ki, H.Əliyev üçün Ömərovun heç bir dəyəri yoxdur, onu öldürüb-öldürməməyimiz Əlyevi maraqlandırmır...
- Rəsul Quliyevin mənəvi ata adlandırdığı şəxs kimdir?
- Rəsul Quliyev xəyal danışır, bizim yanımıza heç kəsi ideoloji ata kimi yerləşdirə bilməzdilər. Biz kimsənin məsləhəti ilə hərəkət etmirdik, atamızın belə bizə təsiri imkansız idi. Amma bizim sıralara OMON-çu qismində döyüşçülər yerləşdirdikləri doğrudur. Bu insanlardan isə biz istifadə edirdik. Bizə sədaqətlərini sübuta yetirmək, inam qazanmaq üçün əmlərimizi can-başla yerinə yetirirdilər. Amma ola bilsin ki, Rəsul Quliyev Cahangir Müslümzadəni nəzərdə tutur. O, Sumqayıtin icra hakimiyyətinin başçısı idi.
- Rövşən ağ bayraq qaldırandan sonra niyə öldürüldü, qətlin kim tərəfindən icra edildiyini bilirsinizmi?
- H.Əliyev ANS-də veriliş-tok-şou təşkil etdirmişdi. Oraya mənim atamı da dəvət etmişdilər. Orada Mirşahinin vasitəsi ilə sübut etməyə çalışırdılar ki, Rövşəni öldürən Rövşən Əkbərov - 777 briqadanın komandiridir. Niyə? 94-cü ilin fevralında Rövşən Əkbərov öz briqadasını geri çəkərək Rövşən Cavadovu 120əsgərləmühasirədə qoyduğuna görə Rövşən onu döymüşdü və bu insidentdən istifadə edərək, bu ölümü onun boynuna qoymağa çalışırdılar. Amma bu, tam yalandır. Rövşən Cavadovu öldürən Əmiraslan Qara oğlu Əliyevdir. Ağ bayraq qaldırılmasına gələndə isə Rövşən təslim olmaq üçün ağ bayraq qaldırmamışdı. S.Dəmirəl onu inandırmışdı ki, danışıqlara getməlidir və ağ bayraq bu danışıqlara razılıq əlaməti olaraq qaldırılmışdı. H.Əliyevə bizim sağ qalmamız sərf etmirdi, çünki onun ermənilərləbağladığı sülh bizi qane etmirdi.
- Azərbaycana nə vaxt qayıtmağı planlaşdırırsınız?
- Mən Azərbaycana bu an qayıdaram, əgər Əliyevlərə əks olanlar Əliyevlərə qarşı silahlı mübarizəyə qalxsalar. Qorusunlar özlərini onun polisindən. Hərbi dildə danışanla hərbi dildə danışarlar. Heç kəs müqavimət göstərmirsə, mən də tək bacarmaram.