“Ərdoğan Türkiyə Prezidentliyinə namizədliyini nəinki irəli sürə bilər, buna onun hamıdan çox haqqı çatır”. 

Moderator.az-ın  Türkiyənin Kanal-24 Televiziyasına istinadən verdiyi xəbərə görə, Türkiyənin xarici işlər naziri Əhməd Davudoğlu bildirib. Onun sözlərinə görə, Türkiyənin baş naziri Rəcəb Tayyib Ərdoğan  prezidentliyə namizədliyini irəli sürmək üçün hər bir gücə və ixtiyara malikdir: 

“Əgər baş nazir prezidentliyə namizədliyini irəli sürmək istəyərsə, hesab edirəm ki, bunun üçün onun hər bir imkanı var. Hər kəs artıq qəbul etməlidir ki, baş nazir  bu qərarı qəbul edəcək. Avqustda keçiriləcək prezident seçkiləri həqiqətən də “tarixi” olacaq. Bu dəfə Türkiyədəki prezident seçkilərində bütün xalq iştirak edə biləcək. Çünki daha əvvəl prezidenti parlament seçirdi”.

Qeyd edək ki, Türkiyə keçiriləcək prezident seçkilərinin birinci mərhələsini bu ilin avqust ayının 10-da baş tutacaq. Hər hansısa bir namizədin qalib olması üçün 51% (faiz) toplamalıdır. Əgər ilk mərhələdə namizədlər müəyyən edilmiş sayda səs toplaya bilməzsə, növbəti mərhələ avqustun 24-də keçiriləcək.