Bir müddət öncə eks-spiker Rəsul Quliyevin mətbuata açıqlaması tarixçi professor Dilavər əzimlinin etirazına səbəb olmuşdu. Xatırladaq ki, R.Quliyev Şah İsmayıl Xətai tanınmış İran şahlarından biri adlandırmaqla yanaşı, onu şiəlikdən istifadə etməklə öz hakimiyyətini gücləndirməkdə ittiham etmişdi:
“Əsas məqsədi şiəliyi inkişaf etdirməklə hakimiyyətini gücləndirmək olub. Ona görə də dünyada yaşayan 1 milyard 400 milyon müsəlmanın 1 milyard 100 milyonu şiəlik ideyasının, başqa sözlə, Şah İsmayıl Xətainin əleyhinədir. Ondan 200 il sonra İranın Türk mənşəli, Şərqin Napoleonu adlandırılan, həm də min illiyin ən qüdrətli sərkərdələrindən biri olan Nadir şah şiələrlə sünnilərin arasında müəyyən körpü yaratmaq, fundamentalizmdən uzaqlaşmaq istəyib. Ancaq terrorla öldürüldüyündən işini başa çatdıra bilməyib. Tarixi təhrif etmək olmaz. Şah İsmayılın müsbət cəhətləri ilə yanaşı düzgün olmayan addımlarını da qeyd etmək hökmən lazımdır. Mən analiz verəndə Ərdoğanın gördüyü işlə Gülənin işlərini müqayisə etmişəm. Şah İsmayıl Xətaiyə gələndə Ərdoğan nəinki ona nifrət edir və hətta şiələrin qırılmasında məmnuniyyətlə iştirak edir”.
Tarix üzrə fəlsəfə doktoru Dilavər Əzimli isə Rəsul Quliyevin fikirlərinin əsassız olduğunu bildirmişdi:
“Rəsul Quliyevə məsləhət görərdim ki, bilmədiyi sahəyə toxunmasın. Ümumən tarix haqqında bu sahədə araşdırma aparanlar danışsalar, daha yaxşı olar. Ən azından onlar həmin dövrü bilirlər, həmin dövrə bu gündən baxmırlar. Xətainin irsini, şəxsiyyət kimi tarixdəki rolunu anlamadan danışmaq, gülünc ifadələrin, fikirlərin səsləndirilməsinə səbəb olur. Onun Ərdoğan barədə dediyi fikirlərə də inanmıram. Çünki Ərdoğanın özü deyir ki, mən ən böyük şiəyəm. Dünyanı təsəvvüf xilas etdi. Xristian dünyası təsəvvüfün qarşısında dayana bilmədi. Təsəvvüfün banisi isə XVI əsrdə Şah İsmayıl Xətai oldu. Xətainin şiəliyə dəxli yoxdur. O, necə şiə ola bilərdi ki, saçları çiynində, əlində saz tutaraq, “Bütün dinləri özümdə birləşdirmişəm” deyirdi. Məlumatlar var ki, şiələr Xətaiyə qarşı belə, döyüşürdülər. Rəsul Quliyev məsələyə münasibət bildirəndə gərək diqqətli olsun. Gərək türk dünyasına din tərəfdən yox, başqa gözlə baxasan. Rəsul Quliyev, get heç olmasa, orta əsrlər barədə yazılan tarixi oxu! O dövrü bilməyən bəzi insanlar tarix hadisələrə indiki dövrdən baxaraq, əsassız fikirlər səsləndirirlər. Necə ki, Rəsul Quliyev bunu edir. İlahi təsəvvüfü anlamadan Xətai haqqında danışmaq absurddur”.
Rəsul Quliyevsə dünən Moderator.az-a açıqlamasında Dilavər Əzimliyə çox sərt cavab verib, tarixçi alimin ictimai rəyi çaşdırdığına görə ondan və oxuculardan üzr istəməli olduğunu bildirib:
“Azərbaycan mətbuatında savadsız yazılara rast gəlmək konveyr şəklindədir və mən onlara fikir verməməyə çalışıram. Ancaq özünü tarix üzrə fəlsəfə doktoru adlandıran birisinin bu əcaib yazısına cavab verməyi lazım bildim. Çünki bu insan kimlərəsə orta əsrdən dərs deyə bilər və tələbələrini tarixçilər qarşısında pis vəziyyətə qoyar. Görəsən bu korifey tarixçi alim 12 imamlığı qəbul edən şiəçiliyin İranda (və ya persiya imperiyasında) banisinin Şah İsmayıl Xətai olduğunu həqiqətən bilmir. 600-cü illərin ortalarından ardıcıllıqla islamı qəbul edən (zərdüştizmidən islama keçmək) Səfəvilər hakimiyyətinə qədər sünni olublar, ancaq Şah İsmayılın dövründə İranda yaşayan əhali sünnilikdən şiəliyə keçib. Doğrudan bu tarix aliminin 8 əsrdə Yəməndə yaranmış şiəlik ideyalarının Səfəvilərə qədər çox cüzi tərəfdaş tapdığını və heç vaxt dövlət siyasəti olmadığını bilmir. Mənim bu yazdıqlarım dünyanın qəbul etdiyi tarixi faktlardır, bütün unveristetlərdə İran tarixinin Səfəvilər bölməsində bunu öyrədirlər- Oksforddan tutmuş Harvarda qədər. Əgər orta əsr tarixindən bu yazdıqlarımı təkzib edəcək bir fakt əldə edərsə, sənəd və sübutla yazsın, yoxdursa bilmədiyini etiraf etsin və məndən və indiyə qədər aldatdığı tələbələrindən üzr istəsin. Aşağıda İslamı qəbul etdikdən sonra İran ərazisində olan sülalələrin adlarını və mövcud olduğu müddətləri göstərirəm. Sülalələrin adları ingilis dilindədir.
”¢ 15 Rashidun Caliphate (651”“661)
”¢ 16 Umayyad Caliphate (661”“750)
”¢ 17 Abbasid Caliphate (750”“946)
”¢ 18 Saffarid dynasty (861”“1003)
”¢ 19 Buyid Empire (934”“1062)
”¢ 20 Great Seljuq Empire (1029”“1194)
”¢ 21 Khwarezmid Empire (1153”“1231)
”¢ 22 Mongol Empire (1230”“1357)
”¢ 23 Rival Dynasties (1332”“1501)
o 23.1 Sarbadars (1332”“1386)
o 23.2 Chupanids (1335”“1357)
o 23.3 Jalayirids (1335”“1432)
o 23.4 Injuids (1335”“1357)
o 23.5 Muzaffarids (1314”“1393)
o 23.6 Kara Koyunlu (1375”“1468)
o 23.7 Ak Koyunlu (1378”“1508)
o 23.8 Timurid Empire (1370”“1507)
”¢ 24 Safavid dynasty (1501”“1786)
”¢ 25 Afsharid dynasty [27] (1736”“1796)
”¢ 26 Zand dynasty[28] (1751”“1794)
”¢ 27 Qajar dynasty[29] (1794”“1925)
”¢ 28 Pahlavi dynasty (1925”“197
Bizim korifey alimimiz bu dinastiyaların adlarına baxsa anlamalıdır ki, Temerlan imperiyasında ümumiyyətlə şiəlikdən söhbət gedə bilməzdi, bu ancaq Şah İsmayılın vaxtında baş verə bilərdi. Bir daha qeyd edirəm ki, İranda şiəliyin dövlət siyasətinə çevrilməsinin banisi Xətaidir.”
