Dünən Roma papası Fransiskin 1915-ci il olayları ilə bağlı dediyi "soyqırım" ifadəsi Türkiyədə olduğu kimi Azərbaycanda da böyük hiddət doğurdu. Çünki 100 il bundan əvvəl baş verənlərin ermənilərin dediyinə uyğun olduğunu sübut etmək mümkün olmadığı halda bu olayları “soyqırım” adlandıran papanın həmin dövrdə ermənilərin rusların əlaltısına çevrilərək, ingilislərdən, fransızlardan və digər qüvvələrdən yardım alaraq təkcə Türkiyədə deyil, eyni zamanda Azərbaycanda da türk və müsəlman əhaliyə qarşı törətdiyi faciələrdən bir kəlmə söz deməməsi, hətta ermənilərin 20 il bundan əvvəl Xocalıda və Qarabağın digər bölgələrində törətdiyi vəhşilikləri görməzdən gəlməsi və susmasının yalnız bir adı var-RİYAKARLIQ!
Təbii ki, papa Fransiskin riyakarlıq edərək işlətdiyi bu ifadə təkcə qərbin siyasətçilərinin deyil, eyni zamanda dini qüvvələrinin də antitürk, antiislam və antişərq mövqeyini aşkar şəkildə üzə çıxarmışdır. Vatikan kilsəsinin səlib yürüşlərində oynadığı rol, tarixən türklərə qarşı nifrət və kin aşılaması, papaların müxtəlif dövrlərdə kralların və dövlət başçılarının əlaltısı olması bizlərə məlum idi. Amma son dövrlərdə insan oğlunun edə biləcəyi ən böyük tərbiyəsizlik və cinayətlərin - narkotikdən tutmuş seks qalmaqalına, uşaqbazlığa qədər bütün ağıla gələn ən iyrənc işlərin Vatikanda baş verməsi isə bizə buranın heç bir zaman ruhani bir yer olmadığını, papanın isə ruhanı rəhbər olmadığını sübut elədi. Bizim kənddə belə yerə ŞEYTAN YUVASI, bu işə rəhbərlik edənlərə isə ŞEYTANA PAPIŞ TİKƏN deyirlər!
Bünyamin Qəmbərli