elimizdə bir ibrətamiz söz var ki ağıllı çırmanınca dəli vurub çayı keçdi. İndi biz tərpənincə ermənilər Qarabağın adın hər platfortmada dünyaya yaydılar, Qarabağın adına dövlət universiteti təsis edib dünyaya bəyan elədilər.

Bu barədə yazını aşağıdakı linkə tıklamaqla oxumaq olar:

Xatırladaq ki, prezident İlham Əliyev 2004-cü ilin fevralında prezident kimi ilk səfərini Bərdəyə edib və orada Zahid Orucun Bərdədə Qarabağ Dövlət Universiteti yaradılması təklifini necə bəyənibsə elə ordanca o vaxtkı baş nazir Artur Rəsizadəyə zəng vuraraq bu işi ən qısa zamanda həll etməyi tapşırıb. Amma aradan 15 il keçib, nəticəsizlik ortada. Görəsən, biz niyə ermənilərə bu qədər uduzuruq? Hansı mental natamamlığımız bizə mane olur?

Moderator.az millət vəkili, ictimai-siyasi xadim Fazil Mustafanın məsələyə münasibətini öyrənib:

"Millət vəkili Zahid Oruc tərəfindən gündəmə  gətirilən bu ideya olduqca aktual idi, bu barədə ölkə prezidentinin göstəriş verməsi barədə də bilgim vardı. Lakin niyə icra olunmayıb, doğrusu, səbəbini bilmirəm. Ancaq düşünürəm ki, bu adda universitetin açılması bir zərurətdir. Bununla belə, Qarabağ universiteti kiminsə rektor vəzifəsi daşıması üçün, yaxud da bölgələrimizdəki yalnız adları universitet olan məktəblər kimi formal bir müəssisə olaraq düşünülməməlidir. Bu ən güclü ali təhsil müəssisəmiz olmalıdır, onların məzunlarının diplomlarının xaricdə tanıdılması mümkün olmalıdır. Burada həm də xarici tələbələrin də təhsil alması şəraiti olmalı və yataqxana kompleksi tikilməlidir. Ermənilər bu məsələdə də bizi qabaqladılar, hər halda gec də olsa bu məsələdə hərəkətə keçməliyik. maraqlıdır ki, hətta Bakının mərkəzində "Qarabağ" adı ilə 5 ulduzlu mehmanxana da yoxdur. Əvvəllər "Qarabağ" mehmanxanası vardı, onu da sökdülər, yerində modern bir mehmanxana tikilməsi də yerində olardı. Fikrimcə hansısa fondlar yaradıb böyük miqdarda vəsait hesabına "Qarabağ" klubuna güclü futbolçuların alınmasını da təmin etməliyik ki, bu klub hər il Çempionlar Liqasına çıxa bilsin. Bizlərdə strateji düşüncə bir qədər zəifdir, bir klubun uğurları arxasında Qarabağın Azərbaycana bağlılığının təbliğatını yüksək səviyyədə təmin etmək olar. Çox sayda belə ideyalar var ki, biz laqeydliyimizdən bunları dəyərləndirə bilmirik. Müharibədə uduzmuşuq, heç olmazsa təbliğatda uduzmayaq, ən azı önləyici addımlar ata bilək".