Dünyanın bir çox ölkələrində hazırda koronavirus pandemiyası ilə əlaqədar karantin tətbiq olunur, əməkdaşlar məsafəli iş rejiminə keçirilir, insanlarda əlavə boş vaxt yaranır ki, bunu da fayda ilə, məsələn, kitab oxumaqla keçirmək olar.

“Personal Finance Insider”in mütəxəssisləri şəxsi maliyyə üzrə ən yaxşı kitabların siyahısını hazırlayıblar:

Bu kitab maliyyə müstəqilliyinə nail olmağa imkan verən praktiki vəsaitdir. Kollinz kitabında qənaət və maliyyə sahəsində uğur əldə etmək üçün kifayət qədər sadə yollar təklif edir.

Kitab oxuculara şəxsi maliyyəni altı həftə ərzində sahmana salmağa kömək edən əsl master-klasdır. O, ilk növbədə 20-35 yaş arasında olan şəxslər üçün nəzərdə tutulub.

Kitab ilk dəfə 1937-ci ildə nəşr olunsa da, indiyədək aktuallığını saxlayır. Əsər həyatın, demək olar, bütün sahələrində uğur qazanmağa kömək edir.

Erin Louri kitabında pulu müxtəlif məqsədlər üçün necə yığmaqdan yazır. Əsərin əsas ideyası ondan ibarətdir ki, hər məqsəd üçün ayrıca hesab açmaq və ora pul qoymaq lazımdır.

Rob Berqer şəxsi maliyyə məsələləri üzrə məsləhətçidir. O, öz kitabında əsas gəlir mənbəyi əmək haqqı olan adi insanların maliyyə müstəqilliyini necə əldə edə biləcəyi barədə danışır.

Devid Baxın bu kitabı maliyyə təhlükəsizliyi üçün real vəsaitdir. Bax avtomatik qənaət etməyin zəruriliyi barədə ətraflı məlumat verərək bildirir ki, bu halda insanlar özlərini bir növ təhlükəsizlik balışı ilə təmin etmiş olurlar.

İran əsilli amerikalı jurnalist Farnuş Torabi artıq bir neçə ildir ki, maliyyə savadlılığı haqqında kitablar yazır, oxuculara sərmayə qoyuluşu və şəxsi maliyyənin idarə olunması məsələlərini araşdırmağa kömək edir.

Syuzi Orman karyerasına başlayan gənclər üçün məsləhətlər vermək üzrə ixtisaslaşmış maliyyə konsultantıdır. Orman  şəxsi maliyyəyə həsr olunmuş bir neçə kitabın müəllifidir.

Bu kitab maliyyəni düzgün bölməkdən, eləcə də qənaət etməyə və bu zaman həyat keyfiyyətini pisləşdirməməyə imkan verən “maliyyə pəhrizinə” necə oturmaqdan danışır.

Viki Robin kitabında oxucuya maliyyə müstəqilliyini necə əldə etməyi öyrədir. Bundan əlavə, o, kisənizdə nə qədər pul olmağından asılı olmayaraq maddi cəhətdən yaxşı həyat sürmək barədə danışır.