Ölkəmizdə koronavirusla yanaşı, məmur özbaşınalığına, rüşvət və korrupsiyaya qarşı aparılan mübarizə, Dövlət Təhlükəsizlik Xidmətinin (DTX) bu yöndə bir-birinin ardınca ciddi əməliyaytlar ortaya qoyması cəmiyyətdə böyük təqdirlə qarşılanamqdadır. 

Moderator.az-a açıqlamasında baş verənlərə münasibət bildirən Qeyri-Hökumət Təşkilatlarına Dövlət Dəstəyi Şurasının üzvü, “Tərxis Olunmuş Hərbçilərin Gəncləri Maarifləndirmə” İctimai Birliyinin sədri Emin Həsənli, indiki məqamda məmurların bunca özbaşınalığa yol verməsini xəyanət kimi dəyərləndirdi:

“Koronavirus pandemiyası özü ilə bir çox məhdudiyyətlər gətirsə də, bir sıra gerçəklikləri də ortaya çıxardı. Xalqımız bir daha gördü ki, dövlətimiz necə güclüdür. Cənab prezidentin rəhbərliyi altında vətəndaşlarımızın sağlamlığının qorunması üçün bütün zəruri addımlar atıldı. Məhz bu səbəbdən də Azərbaycan bu pandemiyanı yüngül keçirən, çox az itki verən dövlətlərdən biri oldu. Amma bu dönəmdə bəzi icra başçılarının qanunsuz hərəkətləri - vətəndaşlara ayrılan yardımları mənimsəməsi, ictimai işlər üçün nəzərdə tutulan ödənişləri ələ keçirməsi də aşkara çıxdı. 

Indiki həssas dönəmdə belə bir addımın atılması, vətənə, dövlətə xəyanətdir. Koronavirusla mübarizə müharibə dönəmini xatırladır. Biz görünməyən virusla müharibədəyik. Icra başçılarının vətəndaşlara yardım etmək əvəzinə, onların haqlarını mənimsəməsi bağışlanılmaz bir xəyanətdir. Bu bizim mənəvi dəyərlərimizə, qanunlarımıza, dinimizə ziddir. Məsələyə mənəviyyat, dövlətçilik, müharibə qanunları, insanllıq baxımından – hardan baxsaq görərik ki, buna haqq qazandırmaq olmaz. Bu, çox böyük vicdansızlıqdır və haqlı olaraq bizim xalqımız tərəfindən qınanılır”. 

Emin Həsənli ölkə başçısının bu məsələyə münasibətinin birmənalı olduğuna diqqət çəkdi:

“Ölkə başçısı dəfələrlə bildirib ki, bu cür hallara qarşı barışmaz mövqe ortaya qoyulacaq. Bu baxımdan DTX-nın peşəkarlığı yüksək qiymətləndirilməlidir. Qısa zamanda yeni rəhbərlik orada çox böyük islahatlar apardı. Aparılan əməliyyat cəmiyyətdə məmnunluqla qarşılanır. Bu əməliyyatlar bizim milli-təhlükəsizlik maarqlarımıza, dövlətçilik maarqlarımıza cavab verir. Rüşvət və korrupsiya dövlətçilik maraqlarımıza, müstəqilliyimizə təhdiddir. 

DTX-nın apardığı əməliyyatlar, cinayətlərin videofaktlar əsasında sübuta yetirilməsi, cinayətə yol verən şəxslərin bunu etiraf etməsi bu əməliyyatların nə qədər peşəkarlıqla aparıldığını göstərir. DTX-nın peşəkarlığı ruh yüksəkliyi yaradır. 

Çalışmalıyıq ki, gələcəkdə belə neqativ hallar baş verməsin. Biz müharibə şəraitində olan dövlətik. Unutmaq olmaz ki, hər an hərbi əməliyyatlar bərpa oluna bilər. Belə olan halda qanunsuzluğa qarşı mübarizə bizim üçün ikiqat önəm kəsb edir. 

Bu proseslkə onu göstərdi ki, vətəndaşlarımız, fermerlərimiz, sahibkarlarımız əziyyət çəkirmiş. Bəzi icra başçıları onların əmlakını, torpaq sahələrini qanunsuz olaraq mənimsəyib. Bu, bir daha onu göstərir ki, dövlətimiz vətəndaşların konstitusiya və qanunvericilikdə öz əksini tapan hüquqlara nə qədər önəm verir. Ölkə əhalisi cənab prezidentin siaysətini dəstəkləyir.

Ölkə başçısı yeni baş prokuroru qəbul edərkən də bildirdi ki, hamı qanun qarşısında bərabərdir və bu məsələdə kimsəyə istisnalıq tanına bilməz”. 

Ekspert DSX-da ortaya çıxan qanunsuzluqların təəssüf doğurduğunu bildirdi:

“DSX-da aparılan əməliyyat göstərdi ki, təəssüf ki, Silahlı Qüvvələrimizdə də arzuedilməz hallar var. DSX rəisinin müavininin və bir neçə zabitin həbsi təəssüfedicidir. Kimliyindən asılı olmayaraq, cinayətkarlar öz layiqli cəzalarını alacaqlar. Lakin bunu da qeyd etmək lazımdır ki, yaranmış şəraitdə bütövlükdə SQ-ləri, yaxud qoşun növünü gözdən salmaq olmaz. DSX-nın fəaliyyətini qaralamaq yolverilməzdir. Biz hərbçilərimizə, SQ-lərimizə hörmət və ehtiramla yanaşmalıyıq. Hansı ki, xalqımızı istəməyən qüvvələr zaman-zaman SQ-lərimizi gözdən salmağa çalışıb. Bu cür hallara qarşı mübarizə aparılmalıdır. Azərbaycanın çox güclü SQ-ləri var. Son vaxtlar Qazax istiqamətində aparılan uğurlu əməliyyatlar buna sübutdur. Sərhədlərimizin etibarlı şəkildə qorunması, hərbçilərimizin məişət şəraitinin yaxşılaşdırılması, döyüş hazırlığının yüksək səviyyədə olması bizim üçün qürurvericidir. 5-10 nəfərin qanunu pozması bütün SQ-lər, yaxud qoşun növünü gözdən salmamalıdır. 

Azərbaycanda hərbi yönümlü QHT-ləri dövlətimizin qətiyyətini, neqativ hallara qarşı mübarizəsini yüksək qiymətləndirir. Prezidentin rəhbərliyi altında dövlətçiliyimizin güclənməsinə xidmət edən addımlar vətəndaşlarımız tərəfindən də təqdirlə qarşılanır. Və biz əminik ki, ölkə başçısının rəhbərliyi altında dövlətimiz bundan sonra da yeni-yeni uğurlara imza atacaq”.