(Bu yazını Prezidentin son çıxışından aldığım təəssüratla yazdım).

 Təşəkkürlər baş komutan. 26  ildir sizdən bu mövqeyi, bu çıxışı gözləyirdik.

Unutmayın, siz 3 cü Qarabağ savaşında zəfərləri, qələbələri Azərbaycan xalqı ilə birlikdə qazanırsınız. Bu savaşın qalibi də, qəhrəmanı da Azərbaycan xalqıdır.

 

Qarabağın açarı Azərbaycan xalqındadır. Bu böyük xalqa, bu imperiya və cümhuriyyət quran xalqa güvənin. Bu xalqa sarılın. Bu xalq Xəzərdən, Qafqazdan  İkiçayarasına, Bəsrə Körfəzinə, Ümman Dənizinə, Hind Okeanına, Xorasandan İndiquş dağlarına qədər hökm edən xalqdır və istər islam öncəsi, istərsə də islam dönəmində  yaxın və orta doğuda qurulmuş böyük Turan və Türk islam kültür mirası üzərində yüksəlmişdir. Azərbaycan İrana da, Turana da hökm edəcək jeokültürəl avantajlara və tarixsəl dərinliyə malik mədəni bir ölkədir. 

Həmişə Türkiyəmizlə birlikdə olun. Türkiyə ilə Konfederativ birlik qurun. Bir millət 7 dövlət birliyi bizim əsas yolumuzdur. Azərbaycan Türk dünyasının mərkəzidir. Türk dünyasının inteqrasiyasında Azərbaycanın jeoplotik, jeostratejik, jeokültürəl önəmini əsas alaraq  strateji planlarınızı, quruculuq siyasətinizi həyata keçirin.

Ölkədə rus dilində təhsil verən 320 məktəbi və Moskva universitetini ləğv edin. Rusiyanın Qafqazlarda yeni işğalçılıq siyasərtərinə dəstək verəcək yerli dayaqlarını yox edin. Azərbaycanı Rusiyanın forpostuna çevirəcək bütün iqtisadi siyasi projelərdən uzaq durun. Bizim Rusiya ilə, ruslarla heç bir ortaq mədəni, dil, din, etnik bağımız, birliyimiz yoxdur. Biz böyük Türk islam sivilizasiyasının qurucuları və təmsilçiləriyik. Bizim öz yolumuz vardır.

Şuşa şəhərində Turan universiteti qurun.

Həmişə Xalqımızla birləşin.

Qarabağımızı, Zəngəzurumuzu işğaldan azad edin.

Türk dilini konstitusiya səviyyəsində bərpa edin. 

Son 30 ildə sizin hakimiyyətiniz dönəmində  bu xalqın çəkdiyi bütün acıları, bütün hüquqsuzluqları, ədalətsizliyi  unutdurun. Hər şeyi yenidən başlamaq kimi bir fürsətiniz həmişə vardır.

 Ölkədə 30 ildir bərqərar olmuş Şəxsiyyətə pərəstişi, heykəllərə sitayişi ləğv edin. Başında durduğunuz partiyanızın-YAP ın 30 ildə xalqımıza zorla qəbul etdirməyə çalışdığı bir çox saxta dəyər və prinsipləri, korrupsiyanı, yaltaqlığı, məddahlığı, saxta bürokratiyanı, oğurluğu, talançılığı, süründürməçiliyi ölkədən  yox edin. İnanın bunlar sizə də, xalqımıza da ziyanlıdır.  Partiya kadrolarınızı və prinsiplərini yeniləyin. 

Ölkədə Ədaləti, hüququ, azadlığı, sosial rifahı bərpa edin, korrupsiyaya son qoyun.

Qoy bütün sahələrdə quruculuq işləri getsin,  yüksəliş, baş versin.

Azərbaycan xalqını yüksəldin. Azərbaycan xalqı ən yaxşılara layiqdir, ən gözəl xüsusiyyətlərə sahib olan mədəniyyət yaradıcı, qurucu xalqdır.

Azərbaycan vətəndaşını yüksəldin. İnsanını qoruyun. Qoy hər bir azərbaycanlı  bu dünyada  başı hər zaman dik, onurlu yaşasın. Qoy hər bir vətəndaşımız omuzlarında sizin qayğıkeş əlinizi görsün, sizə güvənsin. 

Dövlətə, millətə xəyanət edən bütün daxili düşmənləri dövlətdən, parlamentdən təmizləyin.

Ölkə daxildə düşmənlərlə doludur. Ona görə də daim öz xalqınzla birlikdə olun.

Azərbaycan xalqının, vətəndaşının sosial iqtisadi yüksəlişinə nail olun. Azərbaycan dövlətini  sosial dövlətə, rifah dövlətinə çevirin.  Azərbaycan insanı istedadlıdır, bacarıqlıdır, humanistdir, şərəflidir. Siz insanlarımızla bir olduqca, onların arxasında dövlət kimi durduqca,  ürəyiniz onların ürəyi ilə bir döyündükcə görəcəksiniz,  onlar içlərində bəslədikləri, reallaştırmağa fürsət gözlədikləri  yaradıcı gücləri ilə  dünyanı belə dəyişəcəklər. 

Azərbaycan ailəsini və gənclərini qoruyun. Siz bunları etdikcə Şuşada Qarabağ şikəstəsi yüksələcək,  Təbrizdə  Şah Xətainin, Nadir Şahın dövlət gələnəkləri bərpa olunacaq. Millətə ruh verin, millətdən ruh alın,  millətə güvənin.

Güneyli-Quzeyli Azərbaycan onun iradəsini təmsil edən, arzularını duya bilən, onunla birləşən yaxşı bir dövlət başçısına, liderə möhtacdır cənab prezident. 

Siz bunları yapın, görəcəksiniz Azərbaycan 5 dən böyük olacaqdır.

Hər şey gözəl olacaqdır.