Tanınmış aktyor Əjdər Zeynalov Moderator.az-a açıqlamasında qədəm qoyduğumuz ildən gözləntilərini açıqlayıb. O,  uzun müddətdir Azərbaycan mədəniyyəti durğunluq dönəmini yaşadığını deyir:  

“Əvvəlki mədəniyyət naziri Əbülfəs Qarayev  və onun ətrafı mədəniyyətimizi elə bir ağlar günə qoyublar ki... Yeni təyin olunan mədəniyyət naziri Anar Kərimovun bu sahədə nailiyyətlərini səbrsizliklə gözləyirik. İnanırıq ki, o, əlindən gələni edəcək. Ancaq bir şeyi də qeyd edim ki, keçmiş nazirin dağıtdıqlatını düzəltmək üçün yeni nazir çətinliklərlə üzləşəcək. Çünki nazirliyin özündə Əbülfəs Qarayevin adamları korrupsionerlər, mədəniyyətdən başqa hər işlə məşğul olanlar hələ də çalışırlar. Onlar Azərbaycan Mədəniyyətinin başına bir oyun açdılar ki, onu düzəltmək yaxın zamanlarda qeyri-mümkün görünür. Gözləyirəm ki, heç olmasa Anar müəllim paslanmış məmurları işdən azad edib, bu sahəyə bələd olan, istedadlı kadrlar təyin edəcək. Sənəti, mədəniyyəti anlayan, sənətkarlara hörmət edən insanları təyin olunmasına ümid edirik. Buna özümü inandırmaq istəyirəm. Yeni Mədəniyyət Nazirliyindən bizim kimi haqqı tapdalanmış  sənətkarların haqlarını özünə qaytaracağı günü gözləyirik. Əvvəlkilər bunu etmədilər, çünki orada oturan insanlar bir-birlərinə bağlı idilər”.

Aktyort qeyd edir ki, bir dövlətin tarixi onun zəngin mədəni, qədim abidələri hesab edilir: 

“İllərdir dövlət büdcəsindən tarixi abidələrimiz üçün ayrılan pullar mənimsənilib. Hələ teatr direktrolarını demirəm. Onların yedikləri qəpik quruşdur. Tarixi abidələrin bərpasına ayrılan pulları yeyən məmurların gözündən gəlsin. Bu sənin tarixindir mədəni abidəndir, onları bərpa etmək, tarixinlə öyünmək əvəzinə... Ermənilər nə qədər kasıb dövlət olsalar da bu məsələyə xüsusi diqqət edirlər.  Görürsünüzmü Qarabağda nə qədər qondarma abidələr quraşdırıb? Guya burada onların ulu babaları yaşayıb. Yalançı bir abidə yaradıb, onu suyun içinə salıb, yeniliyini itirib qədimi forma aldırırlar ki, dünyaya sübut etsinlər ki, bura onların əzəli torpaqları olub. Həmin abidələri də gözə girən yerlərdə yerləşiriblər ki, guya bura qədim erməni torpağıdır. Bizimkilər də bu sahəyə ayrılan pulları yeyirlər. 1994-cü ildə ermənilər Şuşada kilsə tikiblər. Bomba qoyub oranı partdadaram, qoy məni həbs etsinlər. Kimdir mənim fikrimi önəmsəyən?”.

Aktyor yeni ildən gözləntilərinin olduğunu da vurğuladı: 

“Ümid edirəm ki, yeni il daha gözəl olacaq, mədəniyyətimiz inkişafa doğru gedəcək. Çox istərdim ki mədəniyyətimiz də inkişaf etsin, irəli getsin. Anar Kərimov da bu sahədə təmizlik işləri aparır.  Teatrlarımızın vəiyyəti çox bərbaddır. Onu pis günə qoyan direktorlardır. Teatr diektorları ancaq qarınlarını, özlərini düşünürlər. Sənətkarları sənəti fikirləşmirlər. Elə  biri də İrəvan Dövlət  Azərbaycan Dram Teatrının direktoru İftixar Piriyev. 20 ildən çoxdur teatrın rəhbəridir. Bu vaxta qədər teatr üçün nə edib? O cür peşəkar teatrı xəkəndaz truppasına döndərib. Bütün peşəkar aktyorları ordan  qaçıb. Yəqin ki, bütün bunlardan cənab nazir xəbərdardır. Bu adam haqqında 2002-ci ildən yazılır. Nazirlikdən hər kəs ona göz yumub. Onların gözü anacaq pul görürdü, insan, vətəndaş görmürdü. Onlar artıq keçmişdə qaldı. Biz gələcəyə baxmalıyıq”.