Bir ildən çoxdur ki, toyların keçirilməməsi sənət admlarını çörəksiz qoyub. Tək gəliri toylar olan sənət adamlarının bir qismi başqa sahəyə yönəlsə də, müəyyən qismi xaricdə keçirilən el şənliklərinə qatılır, fəaliyyət göstərən kafe və restoranlarda çalışırlar. Bu isə heç də birmənalı qarşılanmır. 

 

 Mövzu ilə bağlı aşıq Namiq Fərhadoğlu Moderator.az-ın suallarını cavablandırarkən danışdı. 

 

 

- Camaat necə keçirirsə, biz də elə keçiririk. Pedaqoq kimi  fəaliyyət göstərirəm, “Lider” televiziyasında verilişim efirə gedir. Başımı salıb işimlə məşğulam. 

 

 

- Toylar yoxdur, amma müəllimlik fəaliyyətim var. Oradan gələn gəlirlə  çox şükür dolana bilirik.

 

 

- Bilmirəm onlar doğru deyir, ya yox. Amma sənət adamalrı 1 ildən çoxdur ki, toysuzdur. Yazıqlar evini satmayıb nə etsin? Biz illərdir toydan qazanc əldə edirik. Bilmirdik ki, nə zamansa, karantin olacaq, toy olmayacaq, gəlirsiz qalacağıq. Sənət adamları acından ölməməkdən ötrü mülklərini satır. 

 

 

- Mən heç vaxt baha qiymətə toya getməmişəm. Xalqımızı düşünmüşəm. Sənətimi pulu satmamışam. Mənə ehtiyac varsa, sənətimi istəyiblərsə, o toya getmişəm. Sənətkar da xalqla dolanır. Mənə də həmişə məclislərdə yüksək qiymət veriblər. Mən də mənə olununan hörmətə baxmışam. Hər şey pul deyil.  

 

 

- Müğənnilər nə etsinlər, necə dolansınlar? Musiqiçilər var ki, restoranda mühafizəçi kimi dayanır, taksi sürür, musiqi alətini satır. Halal zəhmətlə pul qazanmaq ayıb deyil. Keçən dəfə Rəqsanə xanım Rusiya toylara gedən müğənnilər haqqında danışdı. Kim ki, Rusiya toylarında halal pulunu qazanırsa, getsin. Bizim sənəti orda alçaldanlar, əxlaqsızlıq edənlər özləri və Allahları bilsin. Ramazan ayında günaha girə bilmərəm. Rusiyada toydan sonra əxlaqsızlıq edənlər peşəmizi niyə alçaldırlar? Getsinlər başqa işlərlə məşğul olsunlar. 

Göyərti qiymətinə toylara gedənlərə gəldikdə isə əvvəllər 20-30 min dollara tək və ya ansamblla toylara gedənlər vardı. İndi onlar restoranlarda, kafelərdə 5-10 manata işləyirlər.  Bu da orada yaşayanlara sərf edir. Heç kimi qınamaq olmaz. Hamı çörək pulu qazanır.