Dünən Xaçmaz Reabilitasiya Mərkəzinə mediatur təşkil olunmuşdu. Mediaturun məqsədi  Xaçmazda əlillik və reabilitasiya məsələləri ilə bağlı bölgə sakinlərinin müraciətlərinin dinlənilməsi və əlilliyi olan şəxslərə mühərrikli təkərli oturacaqlar, digər reabilitasiya vasitələri verilməsi idi. Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri Cavid Əbdul-Qədirovun  Xaçmaz şəhərindəki Reabilitasiya Mərkəzində  bölgə sakinləri ilə görüşünün məqsədi onların problemlərinin dinlənilməsi və həmin problemlərin həllini tapması istiqmətində müzakirələr aparılması idi.

 

Əlilliyin qiymətləndirilməsi, reabilitasiya xidmətləri ilə təminat proseduru barədə vətəndaşlara izahatlar verildi, onları maraqlandıran suallara aydınlıq gətirildi. Müraciətləri əsasında 10 nəfər əlilliyi olan şəxsə mühərrikli təkərli oturacaqlar, 2 nəfərə mexaniki təkərli oturacaqlar, habelə bir sıra əlilliyi olan şəxslərə müxtəlif reabilitasiya vasitələri təqdim edildi.

 

Tədbir çərçivəsində media təmsilçiləri Agentliyin Xaçmaz Reabilitasiya Mərkəzində Vətən müharibəsi qazilərinə göstərilən reabilitasiya və sosial-psixoloji xidmətlərlə tanış oldu. Eyni zamanda müəssisədə yeni müasir tibbi-reabilitasiya avadanlıqlarından istifadə  olunmaqla və səmərəli fizioterapevtik üsullar, həmçinin müalicəvi bədən tərbiyəsi, kolonoterapiya, ozonoterapiya, elektrofarez və digər prosedurlar tətbiq edilməklə reabilitasiya xidmətləri göstərildiyinin şahidi olduq. 

 

Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri Cavid Əbdul-Qədirov media nümayəndələrinin suallarınıcavablandırarkən  son 3 ildə ölkədə 7 mindən artıq saxta əlillik pensiyasının verilməsi dayandırıldığını qeyd etdi: “Ölkədə vətəndaş müayinə edilmədən əlilliyin ləğvi barədə qərar verilməyib. Əlillik müddəti başa çatan vətəndaş dəvət olunur, müayinələrdən keçirilir. Əgər vətəndaşların xəstəliyi əlillik meyarına uyğun deyilsə, onun əlilliyi dayandırılır. Əlilliyi ləğv edilən şəxslərdən çoxlu sayda müraciətlər var.  Hər bir əlilin əlilliyi 5 ildir. 2015-ci ildə vətəndaşlar əlillik dərəcəsi alıb və 5 il müddət başa çatandan sonra vətəndaşın əlillik müddəti dayandırılır. Əlilin sənədləri yenidən toplanır və əlilliyinə yenidən verilir.Ola bilsin ki, bu il də vətəndaşlardan saxta əlillik aşkarlandı. Əgər aşkarlanarsa, həmin şəxslərin də əlilliyi dayandırıla bilər".

 

Reabilitasiya müəssisəsində Vətən müharibəsi iştirakçılarına göstərilən reabilitasiya xidmətləri ilə yaxından tanış olaraq burada, göstərilən xidmətlər barədə  gördüklərimizdən savayı qazilərin də fikirlərini öyrəndik. Onlar deyir ki, müharibədən sonra reabilitasiya mərkəzində müalicə olunmaq onlar üçün önəmli və bir o qədər də zəruridir. 

 

Birinci Qarabağ müharibəsi qazisi, 1-ci qrup əlil Yusif Əlibalayev burada keçirilən təlimlərin  onların  yenidən cəmiyyətə adaptasiya olunmasında müstəsna xidmətləinin olduğunu vurğuladı. Onun sözlərinə görə, bu mərkəz qazilərin, müharibə iştirakçıların psxiloji travmalaradn qurtulmaları üçün ən ideal vasitədir: "1992-ci ildə Qarabağda döyüşlərdə iştirak etmişəm. 1994-cü ildə yaralandım, hər iki ayağım ambutasiya olundu. Bu günə qədər nazirlikdən mənə xeyli yardım edilib - ayaqlarım  protezlərlə təmin olunun, avtomobil verilib. Bu gün isə gördüyünüz kimi mühərrikli təkərli oturacaq verilib. Bu işdə əməyi keçən hər kəsə təşəkkür edirəm".

 

Vətən müharibəsi iştirakçısı, qazi Tariyel Didarov isə mərkəzdə ona və digər döyüş yoldaşlarına göstərilən psixoloji dəstəkdən razı qaldığını deyir. 

 

Onu da nəzərinizə çatdıraq ki, müəssisədə yeni müasir tibbi-reabilitasiya avadanlıqlarından istifadə  olunmaqla və səmərəli fizioterapevtik üsullar, həmçinin müalicəvi bədən tərbiyəsi, kolonoterapiya, ozonoterapiya, elektrofarez və digər prosedurlar tətbiq edilməklə reabilitasiya xidmətləri göstərilir.