Bəşəriyyət Birinci Dünya Müharibəsinin niyə baş verdiyini tam anlaya bilmədi. Təxminən bu cür başa düşdülər, dünyada torpaq və ölkələrin işğal edilməsi uğrunda müharibə baş verir, o biri müharibələr kimidir, lakin daha çox insanı əhatə edir. Hətta Aşıq Ələsgər də bir şeir yazmışdı:

 "German bir bomb atdı qan oldu dərya, 

əl- ayaq altında qaldı İtaliya

Məhv oldu Serbiya - Çernoqoriya"

 

Əlbəttə ki, müharibəni Almaniya başladı və məğlub oldu. Son iki yüz ildə həmişə almanlara məğlub olan Fransa Seneqaldan gətirdiyi qara dərili insanların hesabına bir çox həlledici döyüşdə qalib gəldi. 

 

Birinci dünya müharibəsinin nəticələri ilə heç cür razılaşmayan almanlar az bir müddət ərzində özlərinə gəldilər. Qatı irqçi olan alman əhalisi Hitlerin timsalında yenidən doğuldu. Hitler bütün alman əhalisinin sanki fikirlərini özündə ehtiva edirdi. 

 

1939-cu ildə İkinci Dünya Müharibəsi baş verdi. Təxminən 50 mln insan öldü. Böyük bir insan qırğınının səbəb olduğu, hər şeyin məhv olduğu bir müharibə doğrudan da beyinlərdə çox böyük bir dəyişiklik yaratdı. 

 

Böyük beyin mərkəzləri indiyə qədər baş vermiş bu qədər müharibələrin səbəbini dərindən düşünməyə başladılar. Müharibənin səbəbi əlbəttə ki, dünyada kişi hegemonluğunun hökmran olması idi. Müharibədən cana doyan Avropa və ABŞ bunun çarəsini axır ki, tapdı. Dünyanı elə bir formaya gətirmək lazımdır ki, kişi hökmranlığına son qoyulsun. Əyləncə, ağlı başdan çıxaran mahnılar, filmlər, bir sözlə deyib-gülmək, əylənmək, geylərin aşkara çıxması kimi prosesləri dünyada aktivləşdirsək, əvvəlki kimi alfa kişi hökmranlığı qalmayacaq. Müharibə istəməyən, daima azad gəzib dolanan bir  insanın olduğu dünyada kim müharibə edə bilər ki? Və yaxud müharibə etmək üçün adam haradan tapacaqlar?

 

İndi siz Avropanın ən varlı ölkələrinə nəzər salın, ölkənin neçə faizi öz vətənləri üçün canından keçməyə hazırdır? Çox az bir qismi. Bəlkə də 10% olar, ya olmaz. Amma kasıb, şərq-islam dünyası ölkələrinə baxın, ölkələrin 80%-i canından keçməyə hazırdır. Məhz müharibə belə adamların var olmasına görə olur deyə düşünürlər. 

O Avropa ki vətəndaşlara hər şey verir, vətəndaşların gələcəyini təminat altında saxlayır, o adamlar vətən üçün canından keçmir. Amma daima diktatorluq hakim olan vətəndaşlara zülm edən ölkələrdə camaat vətənə canını qurban verir. Qəribə deyilmi?

 

İkinci dünya müharibəsindən sonra başlayan bu hərəkat bütün dünyaya yayılır. Avropa, Qərb dəyərləri hakim olan cəmiyyətlərdə insanlar o qədər dünyəvi işlərə bağlıdır ki, onlar üçün metafizik anlayışlar çox əhəmiyyətsizdir. Məsələn: vətən eşqi, vətən qeyrəti kimi anlayışlardan söhbət gedə bilməz. Sizcə belə bir cəmiyyətin olduğu dünyada üçüncü dünya müharibəsi ola bilərmi? ..

 

Bəs bunu necə etdilər? Necə oldu ki, Qərb birdən-birə bütün dünyaya hökmran ola bildi? 

 

Hamıya məlumdur ki, ABŞ bir dövlət kimi pambıq ve tekstil üzərində qurulub. Cənubun pambıq plantasiyaları fabriklərə gedir və orada yeni bir geyim əşyası "doğuldu" cins şalvar. 

 

Qızıl axtaranların və at çapanların geyimi olan cins əslində ABŞ-in azad insanlarının geyimi idi. Dövlət çox maraqlı filmlər çəkib marketinq tədbirləri ilə cinsi bütün dünyaya yaydı. İnsanlar ekran qarşısında oturub film qəhrəmanlarını cins şalvarda görür və onun kimi olmaq istəyirdilər. 

 

ABŞ hökuməti başa düşdü ki, film, cins şalvar və rok musiqisi ilə bütün Avropaya hakim ola bilər. O vaxt Şərqi Avropa tamamilə kommunist - sosialist ölkələrdən ibarət idi. Marksın ideyaları Avropada sürətlə yayılır, kommunist manifestinin ilk cümləsi öz təsdiqini tapmışdı. 

Kommunist manifestində Karl Marks yazırdı.

"Avropanın üzərində bir kommunist kabusu dolanır"

 

Doğrudan da kommunist kabusu nəinki Avropanın, bütün dünyanın üzərində dolanacaqdı. 

 

Bu kabusun ən birinci ideyası kapitalizmin məhv olması, dünyanın xoşbəxt olması üçün ən sonuncu kommunistin başı kəsilməli, ən sonuncu bürokratın bağırsaqları tökülməlidir ideyası idi. 

 

Bütün kommunist ölkələr ABŞ-a nifrət edir, tezliklə bütün dünyanın proletar cənnət tutacaq deyirdilər. Əlbəttə ki, ABŞ buna səssiz qalmadı. 

 

Sürətli silahlanan bu mənfur kommunist rejimlərin qarşısına ABŞ atom bombası ilə çıxmadı. Rok musiqi, cins şalvar və ABŞ-ın azad həyat tərzini təbliğ edən filmlər ilə çıxdı. 

 

‌Marksın kabusu ABŞ-ın bu mədəni kabusuna məğlub oldu. Müharibədən sonra doğum bumu dövründə doğulan gənclər valideynlərinin ənənəvi həyat tərzini bəyənmirdilər. Daxilən azad olan bu gənclər öz ideyalarını rok musiqi, cins şalvarda tapdılar. Əvvəlcə Qərbin Avropada sonra isə Şərqi Avropada geniş yayılan bu mədəni nümunələr hökumətləri narahat etməyə başladı. 1968-ci ildə Nanteridə Fransada tələbələr böyük etiraz aksiyası "Nanteri dəliliyi" adlanan bu aksiyada gənclər əyinlərində cins şalvar, əllərində gitara dillərində isə rok musiqi ilə böyük bir qitəyə meydan oxuyurdular. Fransız tələbələr çoxlu tələblər irəli sürürdü. İş vaxtı azalsın, qız və oğlan yataqxanalarında giriş qanuni olsun. Bir sözlə açıq-saçıqlıq təbliğ edilirdi. Etiraz edən fransız tələbələrdən biri sonralar yazırdı "etiraz elədikcə sevişmək istəyirəm, sevişdikcə etiraz etmək..."

‌

Bu hərəkat Parisdən Çinə qədər hər yerdə yayıldı. Dövlətlər bunun qarşısında aciz olduğunu hiss edirdilər. Hətta "cins" cinayəti adında qanun layihəsi də imzaladılar. Amma gənc nəslin qarşısını heç nə ilə almaq mümkün deyildi. Artıq Marksın, Leninin kommunist ideyaları köhnəlib dəyərdən düşməyə başlamışdı. Fransada olan etiraz çox keçmədən Çexiyaya da təsir elədi. Çexiya prezidenti Aleksandr Dupçek ölkədə liberal qərb qanunları qəbul etməyə məcbur oldu. "Praqa baharı" uzun sürmədi 1968-ci ildə SSRI-nin 200 minlik Varşava müqaviləsi qoşunları gecə saatlarında Çexoslovakiyaya daxil oldu. Onlar dünyada başlanan liberalizmin qarşısını bu cür güc yolu ilə almaq istəyirdilər. Böyük SSRİ soyuq müharibəni təkcə cins şalvara məğlub oldu. Müharibədən sonra doğulan gənclərin hesabına ABŞ dəyərləri kommunizmin bütün ideyalarını təsirsiz hala gətirdi. İnsanlar azad və firavan yaşamaq üçün hər şeydən keçməyə hazır oldular. Beləliklə, böyük SSRİ dünyada yaratdığı kommunist mifini bu cür əldən verdi.