Politoloq Niyaməddin Orduxanlı gec-tez Paşinyana da belə bir sui-qəsd olunacağını ehtimal edir: “Bilirsiniz ki, 25 il idi ki, Ermənistanda və Qarabağda hərbi xunta olmuş, Xocalı soyqırımın iştirakçıları, uşaq qatilləri Köçəryan-Sərkisyan cütlüyü hakimiyyətdə idi. 2016-cı ildə Azərbaycanın aprel döyüşləri bu cütlüyün, konkret olaraq Serjik Sərksiyanın hakimiyyətdən qovulmasına səbəb oldu. Cənab Prezident İlham Əliyevin 3 günlük müharibə əmri, Lələtəpənin geri qaytarılması nəticəsində Sərkisyanın Ermənistanda qurduğu ”güclü erməni ordusu" və “Ohanyan səddinin keçilməz” olması ilə bağlı yaratdıqları mif darmadağın edildi və bundan sonra qeyd etdiyim kimi, ermənilər Sərkisyanı hakimiyyətdən qovdular. Serjik hakimiyyətdən itiqovan kimi qovulmasının səbəbkarı Ali Baş Komandan İlham Əliyevin 2016-cı ilin aprel döyüşləri oldu. 25 il hakimiyyətdə olan bu klan təbii ki, Paşinyanın hakimiyyəti ilə barışa bilməzdi. Bir-birinə qarşı amansız mübarizə başladılar.

 

Hakimiyyətə gələn Paşinyan ilk olaraq Köçəryanı həbs etdi. Onların orduda olan generallarını belə həbs edən Paşinyan bu cütlüyün komandasına qarşı mübarizəni gücləndirdi. Bu gün də həmin mübarizə daha amansız formada davam edir. Xankəndində separatçı tör-töküntülər bir-birini qırmağa başlaması həmin mübarizənin açıq təzahürüdür. Separatçı başı Araik Arutunyana sui-qəsd olub. Onun yaralandığı bildirilir. Bütün bunlar gözlənilən idi. Araik Paşinyana bağlı adamdır. İlk olaraq Araiki aradan götürmək istəyirlər. Hətta mən düşünürəm ki, bu cür sui-qəsdlər bir müddət sonra Paşinyanın özünə də olunacaq. Təbii ki, bu gün Rusiya bunda maraqlı deyil. Gəlin unutmayaq ki, Ermənistanda Dəmirçyan nümunəsi də var. Spikerin, baş nazirin parlamentdə güllənməsi, qətlə yetirilməsi unudulmayıb.

 

Baş verənlər onu deməyə əsas verir ki, artıq bu erməni itləri Azərbaycan qanunları ilə mühakimə olunmamış özləri özlərinin axırına çıxmaq istəyirlər. Araiki aradan götürməklə Paşinyan və onun ətrafındakıları qorxutmaq istəyirlərlər. Düşünmürəm ki, bu gün baş verənlərdə Rusiyanın izi olsun. Bu gün Paşinyanın hakmiyyətdə qalması müəyyən vaxta qədər Rusiyanın maraqlarına cavab verir. Rusiya istəyir ki, Paşinyanın ermənilərin tarixində məğlub olunmuş və kapitulyasiya aktına imza atan, Azərbaycanla sülh sazişini imzalayan rəhbər kimi qalsın. Bütün bunlar baş verəndən sonra Rusiya Paşinyanı hakimiyyətdə saxlamayacaq. Bunu zaman da göstərəcək".