Diqqət etmisinizmi, son zamanlar çoxlu şokolad, pirojna və peçenye yetirsiniz? Bəlkə də bununla siz koronavirusla bağlı qeyri-stabil vəziyyətlə və ya soyuq yağışlı hava ilə bağlı təskinlik tapmağa səy göstərirsiniz. Əslində isə şirin şeylərə həvəsə qalib gəlmək o qədər də çətin deyil, bəzi hallarda bunun üçün öz qida rasionunuza bir mühüm mineralı əlavə etmək kifayətdir.

 

Hər birimizdə vaxtaşırı hər hansı şirniyyatı və həm də çox yemək istəyi yaranır. Bu instinkt,bütün başqa instinktlər kimi, bizə əcdadlarımızdan qalıb. Yollarında rast gəldiyikləri meyvə ağacının yanında dayanaraq, onlar doyunca meyvədən yeyib, sağ qalmaq şanslarını artırırdılar. Lakin bu gün hər şeyin bol olduğu dönəmdə bu vərdiş bizi piylənməyə, diabetə və sağlamlıqla bağlı bir çox problemlərin yaranmasına sövq edir.

 

Buradan belə nəticə hasil olur ki, biz şirniyyata meylimizə üstün gələ bilmirik. Ona görə də siz özünüzün instinktlərinizdən müsbət mənada yararlana bilərsiniz.

 

 

Ekspertlər bununla bağlı müxtəlif və balanslaşdırılmış qida rasionuna əməl etməyi, gözəl fiqura naminə yeməkdə məhdudiyyətlərə son qoymağı tövsiyə edir. Çünki kəskin aclıq hissi nəsə yeməyə istəyi gücləndirir. Əgər orqanizminiz kifayət qədər qida maddələrini alacaqsa, şirniyyata o qədər də həvəsiniz olmayacaq.

 

Belə "şirin" problemin həllində sizə səmərəli şəkildə kömək edə biləcək minerallardan maqnezium məsləhətdir.

 

Tədqiqatlar göstərir ki, bu maddənin orqanizmdə çatışmazlığı tərkibində çoxlu şəkər olan nəsə yemək istəyini də artıracaq.

 

Ekspertlərin sözlərinə görə, maqneziumla şirniyyata meyl arasında əlaqə onunla bağlıdır ki, bu mineral qanda şəkərin miqdarını tənzimləmək qabiliyyətinə malikdir.

 

2019-cu ildə aparılan və nəticələri Nutrients jurnalında dərc edilən tədqiqtda göstərilib ki, maqnezium həm də diabet xəstələrinə bu cür təsir göstərir. Əks halda qanda şəkərin miqdarının dəyişilməsi zəiflik, qəflətən baş verən aclıq hissi və nəzarət olunmayan yemək istəyi yaradır.

 

 

Son illər maqneziumun insan sağlamlığına müsbət təsiri barəsində kifayət qədər sübutlar meydana çıxıb. Bu mineral arterial təzyiqi və ürəkdöyünməsini tənzimləyir, sümükləri möhkəmləndirir və əzələlərin sağlamlığına kömək edir.

 

Maqnezium həmçinin idmançıların qida rasionuna əlavə edilərək, onların fiziki formada olmasına yardımçı olur.

 

Maqnezium həm də depressiya ilə mübarizədə effektiv təsir göstərir. Həmçinin miqren, aybaşı ağrılarını zəiflədir və hətta iltihabı azaldır.

 

 

İnsanların çoxu son zamanlar maqneziumu qida əlavəsi kimi istifadə etməyə başlayıb. Amma bu mineral bizim xoşladığımız bir çox məhsulların tərkibində var. Məsələn, 100 qram tünd şokoladın tərkibində 70-85 faiz kakao və gündəlik maqnezium normasının 33 faizi mövcuddur. Amma, məsələn, bir ovuc qozun və ya badamın tərkibində bu mineralın sutkalıq normasının 25 faizi, 200 qram avokado meyvəsində 15 faizi mövcuddur. Qızılbalıq və skumbriya balığında, ispanaqda, paxlada və çuğundurda kifayət qədər maqnezium var və onlardan istifadə edilməsi sağlamlığınız üçün bu vacib mineralı qəbul etmək imkanını qazanacaqsınız.

 

Qida əlavələrindən fərqli olaraq, bu məhsullar təbii olaraq doyma hissini uzadır və qəfləti aclıq pristuplarının azaldır, bununla da nəzarətsiz yeməyin qarşını alır.