WeChat (Çin): kənd, yoxsa mağaza yumurtası? Hansı yumurtalar daha faydalıdır? Öyrənin və düzgün nəticə çıxarın!

 

Yumurtaları seçdikdə biz çox zaman özümüzə sual edirik: kənd, yoxsa mağaza yumurtasını seçməli? Bunların fərqi varmı? Çinin internet-istifadəçisi fermerdən alınan yumurtaların mağaza piştaxtalarında olan yumurtalardan nə ilə fərqləndiyini izah edib.

 

Yumurta aldıqda kənd, yoxsa mağaza yumurtalarını seçmək sualı meydana çıxır. Qiymətə gəldikdə, kənd yumurtası xeyli bahadır. Doğrudanmı qiymətin yüksək olması belə yumurtaların qidalanma üçün daha çox dəyərli olmasına dəlalət edir? 

 

Əslində isə elmi tədqiqatlar göstərib ki, kənd yumurtaları ilə mağaza yumurtalarının faydası praktiki olaraq eynidir, amma bir az fərqlər də var.

 

Kənd və mağaza yumurtaları arasında fərq

 

Kənd yumurtalarını çox zaman "ev yumurtası", yaxud "fermer yumurtası" adlandırırlar, çünki onları fermer tərəfindən azadə yetişdirilən toyuqlar yumurtlayıb. Mağaza yumurtaları isə bazara iri quşçuluq fabrikləri və ya təsərrüfatlarından gətirilir.

 

Qida maddələri

 

Elmi araşdırmalar gösrərib ki, qida dəyərinə görə kənd və mağaza yumurtaları arasında çox az fərq var. Kənd yumurtalarının tərkibində xolesterin, karotin və B2 vitamini yüksəkdir, amma mağaza yumurtalarının tərkibi dəmir, kalsium və maqnezium kimi minerallarla zəngindir.

 

Dad xüsusiyyətləri

 

Kənd yumurtaları mağaza yumurtalarından daha dadlıdır, çünki toyuqlar azadə gəzir və özlərinə hər yerdə yem axrara bilir. Onlar alaq otları, göyərti, dənli bitkilər, qarğıdalı və s. yeyir. Ev toyuqları yüksək fəallğı ilə seçilsə də, az yumurta yumurtlayır.

 

Quşçuluq fabriklərində toyuqları xüsusi işlənib hazırlanan yemlərlə yemləyir, toyuq saxlanılan yerlərdə müəyyən istilik və işıqlandırma olur. Bu isə yumurtaların həm sayında, həç də dadında özünü büruzə verir.

 

Kənd yumurtalarını mağaza yumurtalarından necə fərqləndirməli?

 

1. Xarici görünüşü

 

Kənd yumurtaları bir qayda olaraq balaca və tünd rəngdədir, qalın qabığa və hamar səthə malikdir. 

Mağaza yumurtaları iridir, qabığı nazik və kələkötürdür.

 

2. Yumurta sarısı

 

Kənd yumurtasının zülalı qatı, özüllüdür, sarısı parlaq-qızılı rəngdə, qabığını asanlıqla sındırmaq olur. Qaynadılandan sonra yumurta sarısı bərkiyir, dağılmır. Mağaza yumurtalarının zülalı durudur, sarısı açıq rəngdədir, qaynadıldıqdan sonra boşalır.

 

Müxtəlif qrup insanlar üçün faydası

 

Kənd yumurtalarının tərkibində xolesterinin miqdarı yüksək olduğundan əsasən uşaqlar üçün uyğundur.

 

Quşçuluq fermalarında yemlər eyni zamanda müəyyən edilən porsiyalarla verilir, buna görə də mağaza yumurtalarının tərkibində dəmir, kalsium və maqnezium kimi çoxlu mineral maddələr var. Belə yumutalar orta və yaşlı insanların sağlamlığı üçün daha faydalıdır.

 

Beləliklə, yumurtalaı seçdikdə onlardan istifadə edəcək insanların fərdi xüsusiyyətlərini nəzərə almaq lazımdır.