Martın 10-da Xorvatiyanın paytaxtı Zaqrebdə naməlum təyyarə qəzaya uğrayıb. Hadisə yerində çüxur yaranıb, iki paraşüt tapılıb.

Moderator.az xəbər verir ki, yerli "N1" nəşrinin məlumatına görə, hadisə Xorvatiya paytaxtının cənub-qərb hissəsindəki Jarun rayonunda baş verib.  Bu cür hadisələrə reaksiya vermək üçün ixtisaslaşmış polis qrupları hadisə yerindədir. Xorvatiya Daxili İşlər Nazirliyi vətəndaşların narahat olmasına heç bir əsası olmadığını əmin edib.

 

Zaqreb polisinə cümə axşamı axşam saat 23:00-dan sonra vətəndaşlardan bir neçə məlumat daxil olub. Onlar naməlum obyektin düşməsindən sonra  partlayış səsi eşidiblər.

"Hadisə yerinə polis patrulları göndərilib, onlar yaşıl zonada çüxur aşkar ediblər, yaxınlıqda isə iki paraşüt tapılıb", - Xorvatiya polisi bildirib.

 

Uçağın düşüb partlaması nəticəsində ərazidə park edilmiş bir neçə avtomobilə ziyan dəyib. Xəsarət alanlar barədə məlumat yoxdur.

 

Rusiyaya məxsus "Ukraina" nəşri isə yazır ki, bəzi yerli KİV-in məlumatına görə, düşən obyektin Ukraynaya məxsus "Tu-141 Strizh" pilotsuz kəşfiyyat təyyarəsi ola biləcəyi ehtimal edilir.

 

Qeyd edək ki, Xorvatiyanın Ukrayna ilə birbaşa sərhədi yoxdur və paytaxt Zaqreb bu ölkə sərhədlərindən azı 600-700 km məsafədə yerləşir...

Sultan Laçın