Tərtər rayon məhkəməsinin hakimi Həsən Qəniyev haqqında Moderator.az-a göndərilən şikayət məktubunda deyilir:

"Tərtər Rayon Məhkəməsinin hakimi Həsən Qəniyev Azərbaycan Respublikası Cinayət Məcəlləsinin 178.3.2-ci maddəsi ilə («Dələduzluq») təqsirli bilinən Tərtər şəhərinin sakini Kərimova Sevinc Sultan qızı haqqında rayon prokuroru Azər Hətəmovun həbs qəti imkan tədbiri barədə təqdimatını rədd edib və dələduz qadına məhkəmədə haqq qazandırıb. Gətirdiyi səbəb də bu olub ki, həmin qadının 3 uşağı var, onun biri 6 yaşındadır və digər səbəb isə dələduzluq əməlindən 4 ay sonra notariat kontorundan verilən  qanunsuz müqavilənin guya öhdəlik yaratmasıdır. Əlbəttə, körpələr dünyanın saf mələkləridir və onlara qayğı göstərmək hamımızın müqəddəs borcumuzdur. Lakin Həsən Qəniyevin hökmündən belə nəticəyə gəlmək olar ki, kimin azyaşlı uşağı varsa və yaxud kim saxta bir sənəd təqdim edərsə, o, hər cür cinayət törədə bilər, Həsən kimi hakimlər isə onlara haqq qazandırar. Bəs qanunun aliliyi? (Yeri gəlmişkən qeyd edək ki, pulu əlindən dələduzluq yolu ilə alınan qadının birinin də 2 körpə uşağı var. (biri 4 yaşında, o biri 1 yaş 6 aylıq) və onların yemək pulu da qalmayıb).

Prokuror isə hakimin bu qərarına heç bir rəsmi hüquqi münasibət bildirməyib.

Sevinc Kərimova əvvəllər oğurluq üstə məhkum olunmuş fırıldaqçı bir qadındır. O, uzun müddətdir ki, falçılıqla məşğul olur, Bakıda, Gəncədə, Yevlaxda, Bərdədə, Tərtərdə və digər yaşayış məntəqələrind guya insanları  gözləyən «xata-bəlaları» əvvəllcədən görür və karta baxaraq, əlaclarını tapır və yaxud adamlara yaxşı tale bəxş edir. Beləliklə vətəndaşları aldadaraq onların pullarını mənimsəyir. 

Son zamanlarda isə Tərtərdə adlarının çəkilməsini istəməyən iki ailənin üzvlərinin etibarından sui-istifadə edərək, aldatma yolu ilə onların pullarını ələ keçirmiş və hər iki ailəyə külli miqdarda ziyan vurmuşdur. Həmin adamlar 6 aydan sonra aldadıldıqlarını başa düşərək Tərtər rayon Prokuroruna ərizə ilə müraciət etmiş və təkzibolunmaz sübutlarla ərizəni əsaslandırmışlar. Rayon prokurorluğunda ərizə əsasında araşdırılma aparıldıqdan sonra Kərimova Sevinc Sultan qızının dələduzluğu haqqında toplanmış material əsasında Azərbaycan Respublikası CM-nin 178.3.2-ci maddəsi ilə 150666005 â„–-li cinayət işi başlanaraq istintaq aparılması Tərtər Rayon Polis Şöbəsinin İstintaq Qrupuna tapşırılmışdır. Müstəntiq Firuz Nuriyev tərəfindən aparılan İstintaqın gedişində Kərimova Sevinc Sultan qızı təqsirli bilinərək, müstəndiqin qərarı ilə 48 saat həbsdə saxlanılmışdır. Sonra təqsirləndirilən şəxsin barəsində həbs qəti imkan tədbiri seçilməsi üçün müstəntiq tərəfindən rayon prokuroru qarşısında vəsadət qaldırılmış, prokuror isə bu barədə Tərtər Rayon  Məhkəməsinə təqdimat göndərmişdir. Məhkəmədə isə, yuxarıda dediyimiz kimi, möhtərəm hakim Həsən Qəniyevin «mərhəməti» ucbatından dələduz Sevinc Kərimova sərbəst evinə buraxılmışdır ki, gedib cinayət əməllərini davam etdirsin.

 Qəribədir, bu qadın dələduz və fırıldaqçı olmasını dolayısı ilə  etiraf edir, istintaq materiallarında onun dələduzluğu əsasən sübut olunur, lakin hakim Həsən Qəniyev isə onu həbs olunmaqdan azad edir. Bu, necə ola bilər? Ona görə də adamın ağlına bəzi «qara-qura» fikirlər gəlir. Bu fikirləri isə yaradan səbəblər var. Əgər dərindən araşdırılsa, Sevinc Kərimovanın mütəşəkkil dələduz bir şəbəkənin üzvü olduğu aşkara çıxar. Onun yuxarıda qeyd olunan ailələrdən dələduzluq yolu ilə ələ keçirdiyi külli miqdarda pul məsələsində də bəlkə də bu şəbəkənin əli vardır. O, dələduzluq və aldatma yolu ilə iki nəfərdən ələ keçirdiyi və öz boynuna aldığı 48 min manatı və 2600 ABŞ dollarını gah Bakıda Kamal adlı birinə verdiyini (41 min manatını), gah Türkiyədə olan bacısına göndərdiyini, gah Bakıda Samir adlı bir şəxslə alver edərkən ziyana düşdüyünü, gah bir «yaxşı ailəyə» borc verdiyini, gah bir nəfərin bu pulu onun əlindən aldığını və adını çəksə uşaqlarını öldürəcəyi ilə hədələdiyini və s. və i.a. bildirmiş, bu gün söylədiyini sabah danmışdır. O, həm də Tərtərdə yaşayan «Dollar Lətafətin», «Sələmçi Aybənizin», Məlahətin, Şəhlanın, Müşviqin, «Pul dəyişən Nofəlin», Sevdanın və s. adamların adlarını tez-tez çəkərək, onlarla «iş birliyi» olduğunu bildirmişdir. (Sevincin məhkəməsi olarkən də məhkəmə zalının qapısının bayır tərəfində «Dollar Lətafət», Əziz, digər bir qadın və bir kişi səbrsizliklə hakim Həsən Qəniyevin əvvəllcədən məlum olan hökümünü gözləyirdilər. Görəsən niyə? «Amması» da elə burasındadır).

Babalı deyənlərin boynuna, danışırlar ki, Sevinc Kərimova əri Elşadla birgə narkotika məsələsi ilə də məşğul olur. (Elə bu işin üstündə Elşadın məhkum olduğunu da bildirirlər).

Dələduz Sevinc Kərimova həmin iki ailənin üzvlərini o qədər aldadıb ki, sonda ələ keçirdiyi pulları qaytaracağını dedikdə, onlar inanmayıblar. Bu zaman falçı qadın onlara təklif edib ki, inanmırsınızsa, telefonun kamerasına məni çəkin, hər şeyi etiraf edim. Bu da qane etmirsə, gəlin gedək  notarusdan sənəd alım verim. Belə də olur. Dələduzluq yolu ilə külli miqdarda pulu tam ələ keçirdikdən 4 ay sonra (9 yanvar 2015-ci il tarixdə) Tərtər rayon Dövlət Notarial Kontorunun dövlət notariusu Adil Rüstəmovdan “Kredit (borc) müqaviləsi” alınır. Deməyəsən, bu da bir kələk imiş. Həbsdə olmuş və üzü-üzlər görmüş bu dələdz  qadın törətdiyi cinayət əməlini həmin müqavilə ilə mülkü müstəviyə keçirmək niyyətini güdürmüş. Hakim Həsən Qəniyev isə onun bu istəyinə rəvac verib.

 Sevinc Kərimovanın dələduzluğunu  isbatlayan şahidlər, maddi sübutlar və sənədlər olsa da, onun layiqli cəza almasına imkan verməyən Həsən Qəniyev kimilər bəzi hakimlərə qarşı da insanlarda şübhə yaradırlar.

Bu fırıldaqçı qadının həbs olnması pul sahibləri üçün bir o qədər də vacib deyil. Onlara öz halal pullarının geri qaytarılması lazımdır. Buna isə hakim Həsən Qəniyev heç bir  əhəmiyyət verməmişdir.

Dolayı yolla notariusdan alınmış müqavilənin müddəti 31 mart 2015-ci il tarixdə bitmişdir. Görəsən bundan sonra Həsən Qəniyev kimi hakimlər nəyi tutalğac edəcəklər? 

Atalar deyib: «Haqq nazilər, üzülməz». Əlbəttə, gec-tez  ədalət öz yerini tapacaq. Biz buna inanırıq.

İşin istintaqı davam edir.      

                                  

                                                                              

Tofiq   Hüseynov,

                                

Ünvan :  Tərtər şəhəri, Mehdi Hüseynzadə küçəsi, ev 10 mənzil 11                           

                                              

   Əlaqə telfonu: (050)-781-50-00"