“Diplomat” qəzetinin baş redaktoru Tahir Əliyev Moderator.az vasitəsilə Bakı şəhər Baş Polis İdarəsinin rəisi, polis general-mayoru, cənab Mirqafar Seyidova Açıq Məktub ünvanlayıb. Məktubda deyilir:

Bir neçə dəfə Ulu Öndər Böyük Heydər Əliyevlə görüşən, Azərbaycanımızın quruculuğunda azdan-çoxdan əməyi olan, dəfələrlə bir sıra xarici ölkələrdə Azərbaycanımızın başına gətirilən faciələri dünya ictimaiyyətinə çatdıran ,“Azərbaycan Kürdləri” İctimai Birliyinin sədri, “Diplomat” qəzetinin təsisçi və baş redaktoru olaraq, il yarımdır qarşılaşdığım haqsızlıqla bağlı Ölkə Prezidentinə, DİN-nə, MTN-nə, Respublika Prokurorluğuna,  Korrupsiyaya qarşı Baş Mübarizə İdarəsinə, Baki Şəhər Prokurorluğuna, Rafiq müəllimin rəhbərliyi zamanı BŞBPİ-nə dəfələrlə müraciət etsəm də, heç bir əhəmiyyəti olmadı.

 

Sonda Bakı şəhər Baş Polis İdarəsinin yeni rəisi, polis general-mayoru, cənab  Mirqafar Seyidova müraciət etdim, Allah razı olsun, çox sağ olsun ki, məni qəbul etdi, iş yenidən araşdırılmaq üçün istintaqa verilsə də, nədənsə  işbilməz məmurların ucbatındanmı, ya da kiminsə tapşırığına görə 10 dəqiqəyə öz həllini tapa biləcək bir məsələ 10 aydır uzadılır. Nədən?

Çox hörmətli Mirqafar müəllim, yazaraq Sizə təkrar bildirirəm ki, Babayev Nəsrəddin Xəlil oğlu mənə aid olan torpaq sahəmi dələduzluq yolu ilə, saxta sənədlə, saxta sənədin saxtası ilə, iki dəfə başqa-başqa adamlara satması barədə ilk dəfə 17 dekabr 2014-cü il tarixli ərizə ilə müraciət etmişdim.

Nəsrədin Babayev, Südaba Babayeva və Nəzakət deyilən “qoçu”xanım, saxta sənədi  bir daha saxtalaşdıraraq, 605 rəqəmini 556 rəqəmi ilə əvəz etmiş, həm də bələdiyyə sədrinin imzasını saxtalaşdırmışdılar. Sənədin əsli yoxdur və bu sənəd  9 saylı natariat kontoru tərəfindən təsdiq edilib. Əsli olmayan sənədin necə təsdiq edildiyi bəlli deyil!

Sizin göstərişinizə əsasən, yenidən ilkin istintaq işi başlasa da müstəntiq Əflatun Səlimov saxta sənədlə bağlı hələ də Nəsrəddin Babayevə gözün üstə qaşın var deməyib.

 

İşin gedişatından görünür ki, müstəntiq işə birtərəfli baxır. Marağı nədir bilinmir...

Xəzər Raron Polis İdarəsinin Maştağa bələdiyyəsinə sorğusuna, Maştağa bələdiyyəsi cavab verib:

”Tahir Əliyevin cizgi sxeminin təstiq olunmuş surətini  sizə göndəririk, lakin Babayeva Südəbanin cizgi sxemi Maştağa Bələdiyyəsinin arxivində olmadığı üçün ona məxsus cizgi sxeminin təsdiq edilmiş surətinin verilməsi qeyri mümkündür”.

1) MƏNDƏ OLAN MƏLUMATA ƏSASƏN, mənim torpağımı satanın qaynı Zahid Xəlilov Bakı Şəhər Nərimanov Departamentinin sədr müavin işləyir, eyni zamanda Nəsrəddinin oğlunun bacanağı RƏŞAD DAŞDƏMİROV BŞBPİ-nin Cinayyət Axtarış İdarəsində çalışır və işin düzgün aparılmasına imkan vermirlər.

2) 2015-ci ilin yanvarın 14-də Sizin qəbulunuzda olarkən, Siz Xəzər Raron Polis İdarəsinin rəisi Azər Muradova, mübahisəli sahədə, işin həllinə qədər heç bir tikinti işi aparılmamasının tapşırıgını vermişdiniz. Lakin sizin bu tapşırığınıza əhəmiyyət verilmədi, tikinti zamanı mən Xəzər Raron Polis İdarəsinin rəisi Azər Muradova müraciət etdim. Azər Muradov məni Xəzər Rayon Polis İdarəsinin 2-ci polis bölməsinin rəisi Sahib müəllimin yanına göndərdi və dedi ki, ”tapşırmışam, tikintiyə icazə verilməyəcək”. 

Mən Sahib müəllimin kabinetinə gələndə, tikintiyə göz yuman sahə müvəkkili Rəsul və tikintini tikdirən Nəsrəddinin oğlu və qoçusu Nəzakət də kabinetdə idilər. Mən sənədlərimi Sahib müəllimin qarsısına qoyaraq tələb etdim ki, qarşı tərəf də sənədlərini sizə təqdim etsin. Təbii ki, qarşı tərəf sənədlərini qoya bilməzdi, çünki onların sənədlərinin əsli yoxdur, yalnız özlərinin düzəltdikləri saxta kopiyadır və saxta cizgidəki ölçü mənə məxsus yerdən 16 m uzun və 5 m ensizdir.

   

Sahib müəllimin kabinetində özünü DİN-nin qohumu kimi qələmə verən Nəzakət, BŞBPİ-nin İstintaq İdarəsinin rəis müavini Məmmədağa müəllimlə telefon danışığı apardı və Mirqafar müəllimin tapşırığına əhəmiyyət vermədən, Məmmədağa müəllimin tapşırığına əsasən hasar tikildi. Nə Azər müəllim, nə də Sahib müəllim müdaxilə edə bilmədilər. 

Baxmayaraq məhkəmənin qərarı ilə tikintiyə qadağa qoyulmuşdur.

   

Nə üçün Mirqafar müəllimin əmrinə əhəmiyyət verilmədi? Bu məsələ ilə bağlı dəfələrlə BŞBPİ-nin İstintaq   İdarəsinin rəisi Nazim İsmayılovla, müavini Namiq Qocayevlə görüşərək bildirmişəm ki, Bakı şəhər Baş Polis İdarəsinin rəisi, cənab  Mirqafar  Seyidov tapşırıq verib ki, istintaqın sonuna qədər heç bir tikinti işi getməsin. Siz niyə rəhbərinizin əmrinə itaət etmirsiniz? 

Cualım cavabsız qalır..

Torpağın ölçüsü zamanı mən müstəntiq Əflatun Səlimovdan dəfələrlə tələb etdim ki, sənədin saxta olmağına baxmayaraq, 4 tərəfin iştirakı ilə mübahisəli yer ölçülsün və yerindəcə protokol bağlansın.

   

Bu edilmədi, iki gün sonra müstəntiq məni çağıraraq, mənim yerimin cizgisinə Südəbanin adını yazaraq imzalamağımı istədi, təbii ki, mən ehtiraz etdim.

   

Əksinə,  müstəntiq Əflatun Səlimov mənim yerimi qanunsuz zəbt edərək, heç bir icazəsi və sənədi olmadan, qanunsuz hasarlayan  Babayev Nəsrəddin Xəlil oğluna və  Babayeva Südəba Məmməd qızına, saxta sənədi Xəzər RPİ-nin 2-ci bölməsinə, tədqiqatçı Elçin müəllimə təqdim edən Nəzakətə qarşı cinayət işi açmaq əvəzinə, yerimi zəbt edərək, BŞBPİ-nin rəisi Mirqafar müəllimin tapşırığından sonra, mənə aid olan sahədə qanunsuz  tikdiyi   hasarın otuz metrini uçurtduğum üçün, müstəntiq Əflatun Səlimov CM 322-ci maddəsi ilə mənə qarşı cinayyət işi açıb. Bu hansı məntiqə uyğundur?

Baxmayaraq hasar tikilməmiş, Xəzər Raron Polis İdarəsinə və Xəzər RİH-ə yazılı şəkildə müraciət edərək bildirmişdim ki, bu ərazi mənə aid olduğuna baxmayaraq, mübahisəli olduğu üçün, heç bir tikinti işi aparılmasına icazə verilməsin. Buna baxmayaraq hasar qanunsuz tikildi.

Görəsən Bakı şəhər Baş Polis İdarəsində ƏSLİ OLMAYAN, SAXTALAŞDIRILMIŞ  SƏNƏDİN SAXTASI  İLƏ İŞƏ  BAXILIR? Yoxsa saxta sənəd əldə edərək başqasının mülkünü dələduzluq yolu ilə satana cinayət işi açılır?

Görəsən  Əflatun Səlimov Babayev Nəsrəddin Xəlil oğlundan və  Babayev Südəba Məmməd qızından, eləcə də Nəzakətdən sənədin əslini niyə tələb etmir və siz qanunsuz olaraq bu hasarı nəyə əsasən tikmisiniz deyə, nə üçün soruşmur?

 

Baxmayaraq mənə aid olan həmin ərazi 25 x 40 m. yerdir, onların saxta cizgisinin 20 x 50 kv.m torpaq sahəsindən 16-m  azdir  və 5-m. ensizdir. Əflatun Səlimov bu fərqi görmür, yoxsa gormək isrəmir? Marağı nədir?

Südabə və Nəzakət xanımlar  Əflatun Səlimovun yanında məni təhqir edirlər, lakin Əflatun Səlimov heç bir reaksiya vermir. Gözləyir ki, onların hansınısa vurum, mənə cinayət işi açsın?

Nə üçün saxta sənədə görə, saxta sənədlə başqasının yerinin dələduzluq yolu ilə iki dəfə satanlara qarşı ərizə ilə müraciət etdiyim gündən bir il beş ay keçməsinə baxmayaraq cinayət işi indiyə qədər açılmasın? 

Bu mənim üçün çox müəmmalıdır. 

- Əsli olmayan saxta sənədin hardan və kim tərəfindən hazırlandığı niyə araşdırılmır?

- Saxta sənədi kim, kimə və hansi bilgisayarda (kompyutorda) düzəltdirib?

- Əsli olmayan saxta sənədin surətini 9-sayli natariat kantor necə təsdiq edib?

- Xəzər RPİ-nin əməkdaşları, başda Azər Muradov, Erol Əliyev, Ülvi Abdullayev  və sonda Bakı şəhər Baş Polis İdarəsinin müstəntiqi Əflatun Səlimov olmaqla, bu saxta sənədlərə görə niyə indiyə qədər cinayyət işi açmayıblar?

Məncə, kimliyindən aslı olmayaraq, cinayyəti ört basdır edənlərin özləri də cinayyəkardır! 

Hörmətli Mirqafar müəllim, mənə aid olan işi müstəntiq Əflatun Səlimov qərəzli apardığı üçün,10-aydır işi başqa müstəntiqə həvalə etməyinizi sizdən və Bakı Şəhər Prokurorluğundan xahiş etsəm də, işi qərəzli aparan müstəntiq dəyişilmədi. Sizdən artıq dərəcədə xahiş edirəm ki, işi düzgün aparmaq istəməyən qərəzli müstəntiq Əflatun Səlimov dəyişdirilsin və komissiya təşkil olunsun, hər iki tərəfin iştirakı ilə mübahisəli yerə baxış keçirilsin, ölçülsün və yerində protokol yazılsin.    

Çünki yuxarıda da qeyd etdiyim kimi, əraziyə baxış keçirən zamanı, mən nə qədər müstəntiq Əflatun Səlimovdan xahiş və tələb etsəm də, hər iki cizgiyə uyğun, əraziyə yerindəcə Maşdağa bələdiyyəsinin nümayəndəsinin, sahə müvəkilinin və hər iki tərəfin iştirakı ilə ölçülsün və protokol yazılsın. 

   

Lakim müstəntiq Əflatun Səlimov bunu etmədi. Və qeyd etdi ki, mənə belə tapşırmayıblar. 

Görəsən müraciətimizdən 10 ay keçməsinə baxmayaraq günahkarlar nə üçün qanun qarşısından qaçırılır?

10-aydır Sizin qəbulunuza təkrar düşmək istəsəm də, başda Nazim İsmayilov olmaqla, sizin qəbulunuza girməyə imkan verilmir. 

02.10.2015-ci ildə saat 15.30-da sizin qəbulunuza yazılaraq, qəbula gəlsəm də əvvəl Məmmədağa müəllim iki saat bir müstəntiqin otağında məni oturtdu, sonra Nazim İsmayılovun otağında bir qədər gozləsəm də sonda Nazim müəllim telefonu qulağına bir qədər tutduqdan sonar bir yalan söylədi: “Mirqafar müəllim müşavirədədir.”

Aşağı düşüb qəbul otağından soruşdum, dedilər Mirqafar müəllim vətəndaşları qəbul edir.

İstintaq İdarəsinin rəisi bu səfər də məni belə yola saldı...