Rusiyada prezident seçklərinə 10 gün qalıb. Kifayət dərəcədə sosial-iqtisadi problemlərlə üzləşmiş Rusiya əhalisinin vəziyyətini yaxşılaşdırmaq barəsində indiyədək heç bir namizədin konkret plan-proqramla çıxışını eşidən olmayıb. Xalq bu vəziyyətdən çıxış yolunu, seçilməsinə heç bir şübhə olmayan indiki prezident Vladimir Putindən eşitmək istəyir. Putin isə bilirsiniz nədən danışır? Ancaq bombadan, raketdən.

Moderator.az xəbər verir ki, bu həftə telejurnalist Solovyovun “Dünya düzəni 2018” filmi böyük səs-küyə səbəb oldu. Filmdə Putin atom düyməsini nə zaman basacağından danışıb.

“Bizim nəzəri cəhətdən nüvə silahını istifadə etmək planlarımız, əminəm ki, bu heç vaxt olmayacaq- qarşılıqlı-cavab zərbəsi adlanır. Bu nə deməkdir? Bu o deməkdir ki, nüvə silahı o vaxt tətbiq olunacaq ki, bizim sistemlər bizə tuşlanmış raketlərin startı və uçuş trayektoriyası və Rusiya Federasiyası ərazisinə düşmə vaxtı haqqında dəqiq məlumatlar verəcək. Bu “qarşılıqlı – cavab atəşi” adlanır, yəni əgər kim tərəfindənsə Rusiyanı məhv etmək qərarı verilibsə, o zaman  biz də cavab verəcəyik. Bəli, bu bəşəriyyət üçün fəlakət olacaq. Amma, mən hər halda Rusiya vətəndaşı və dövlət başçısı kimi o zaman sual vermək istəyirəm: “Rusiyanın olmayacağı bir dünya bizim nəyimizə lazımdır?”

“Radio Svoboda”prezidentin bu çıxışına əhalinin sosial şəbəkələrdəki reaksiyalarından seçmələri təqdim edib. 

Moderator.az həmin seçmələri təqdim edir. 

“Başlıcası odur ki, Rusiya yoxdursa qalan dünyanın da yaşamasının mənası yoxdur deyəndə, Putin öz beynində o Rusiyanı nəzərdə tutur ki, orda onun xüsusi xidmət orqanları, onun yalanları, onun imperiya ambisiyaları dayanır. Başqa Rusiya Putinə lazım deyil.” 

“Putinə çatdırın ki, əgər bu dünya kimdənsə qurtulmaq istəyirsə, o hər şeydən əvvəl son 18 ildə sərhədsiz hakimiyyətdən məst olmuş, kinli Kreml narkomanından canını qurtarmaq istəyir. Və çox güman ki, Göbbels təbliğatı ilə zəhərlənməmiş həqiqi Rusiya da onu istəyir.”

“Putinseçimə” 10 gün qalıb. “Biz ruslarıq, Allah və Bomba bizimlədir”. Bu günlərdə başqa müraciətlər olmayacaq. Elə buna görə səs vermək təklif olunub. Daha dəqiqi, bu işin altında Putinin daha altı il mandat alması durur.”

“Putin feldmarşal Minixin sözlərini sitat gətirib: ”Rusiya birbaşa Allah tərəfindən idarə olunur”. Sonra bildirib: ”Rusiyanın olmadığı dünya bizim nəyimizə lazımdır?” Xəstə real olaraq özünü dünyanı məhv etmək gücündə olan Allah hesab edir. O hətta çalışır ki, özünün ilahi qəzəbi ilə amerikalıları qorxutsun: hünərinizdi Allaha( yəni mənə) qarşı çıxın, bütün bəşəriyyəti özümlə nüvə cəhənnəminə apararam.

Sanitarlar! Sanitarlar! Sizin bir dəli qaçıb və Kremldə gizlənir, xahiş edirik, onu dəlixanaya qaytarın”

“Putinin “Rusiyasız dünya nəyimizə lazımdır”- fikri üzərində düşünərkən, ağlıma nə gəldi. Axı, Volodinin də məşhur bir deyimi var və görünür Putin buna inanır:” Putin var-Rusiya da var. Putin yoxdur-Rusiya da yoxdur”. Belə çıxır ki, Putin olmayacaqsa, o zaman bəşəriyyəti nüvə müharibəsinin külündə və radioaktiv şüalanmasında  məhv etmək olar.  İşə bax, özünüz fikirləşin, əgər Putin ölübsə, qalan dünya niyə yaşamalıdır?”

“Putinin dünyanı hədələməsi məktəb vaxtlarında eşitdiyim bir lətifəni xatırlatdı. Ağlar Çapayevi tuturlar və deyirlər: “ Hə, bitdi, Çapayev, sənin ölümün çatdı.  Biz indi səni asacağıq, dərini soyub barabana üzlük çəkəcəyik. Son arzun varmı?” Vasili İvanıç fikirləşir və deyir: “Mismar gətirin”.Gətirirlər. O da mismarı götürüb var gücü ilə başına çalır: “ Barabanınız olmayacaq!”

“Putin tamamilə yeniləşmiş Hitlerdir. Yalnız pis olan bütün dünyanı bir zərbə ilə məhv etmək iradının olmasıdır. Bu yeni Hitlerdir, bununla məhz indi və çox sərt mübarizə aparmaq lazımdır. Bunu anlamamaq  üçün ya tamam kor olmalısan, ya da müasir qərb siyasətçisi. Bədbəxtlik onda deyil ki, Putin Hitlerdir, bədbəxtlik odur ki, onun əleyhinə olanlar şişirdilmiş kuklalardır.”